John Elia نہیں دنیا کو جب پروا ہماری

نیا اک رشتہ پیدا کیوں کریں ہم

بچھڑنا ہے تو جھگڑا کیوں کریں ہم

خموشی سے ادا ہو رسم دوری

کوئی ہنگامہ برپا کیوں کریں ہم

یہ کافی ہے کہ ہم دشمن نہیں ہیں

وفا داری کا دعویٰ کیوں کریں ہم

وفا اخلاص قربانی محبت

اب ان لفظوں کا پیچھا کیوں کریں ہم

ہماری ہی تمنا کیوں کرو تم

تمہاری ہی تمنا کیوں کریں ہم

کیا تھا عہد جب لمحوں میں ہم نے

تو ساری عمر ایفا کیوں کریں ہم

نہیں دنیا کو جب پروا ہماری

تو پھر دنیا کی پروا کیوں کریں ہم

یہ بستی ہے مسلمانوں کی بستی

یہاں کار مسیحا کیوں کریں ہم

nayā ik rishta paidā kyuuñ kareñ ham

bichhaḌnā hai to jhagḌā kyuuñ kareñ ham

ḳhamoshī se adā ho rasm-e-dūrī

koī hañgāma barpā kyuuñ kareñ ham

ye kaafī hai ki ham dushman nahīñ haiñ

vafā-dārī kā da.avā kyuuñ kareñ ham

vafā iḳhlās qurbānī mohabbat

ab in lafzoñ kā pīchhā kyuuñ kareñ ham

hamārī hī tamannā kyuuñ karo tum

tumhārī hī tamannā kyuuñ kareñ ham

kiyā thā ahd jab lamhoñ meñ ham ne

to saarī umr iifā kyuuñ kareñ ham

nahīñ duniyā ko jab parvā hamārī

to phir duniyā kī parvā kyuuñ kareñ ham

ye bastī hai musalmānoñ kī bastī

yahāñ kār-e-masīhā kyuuñ kareñ ham